|
|
|
|
| Forsíða | Helgihald | Safnaðarstarf | Kirkjur | Nefndir | Kirkjugarður | Kirkjukórinn | Sálmar | Viðburðir |
U2 messa 5. mars, kl.15:00Laugardaginn 5. mars mun Kór Keflavíkurkirkju syngja við messu í Hveragerðiskirkju. Þar syngur kórinn lög trúarlegs eðlis eftir hjómsveitina U2 með Sigurð Ingimundarson, kaftein úr Hjálpræðishernum og stórsöngvara, í farabroddi. Um hljóðfæraleikinn sjá Aðalsteinn Aðalsteinsson á gítar, Þorvaldur Halldórsson á trommur og Sólmundur Friðriksson á bassa. Þýðendur textanna eru séra Gunnar Sigurjónsson og Guðlaugur Gunnarsson, en stjórnandi er Arnór B. Vilbergsson, organisti Keflavíkurkirkju. Sambærilegar messur hafa verið sungnar í nokkrum kirkjum en kórinn söngtvær U2 messur í Keflavíkurkirkju í nóvember síðastliðnum við gríðarlega góðar undirtektir og aðsókn. Meðal efnis sem hópurinn flytur eru lögin: Gloria, Ef guð mér engla sendi (If God will send his Angels), Kom frelsa mig (Love rescue me), Eitt (One) og Það er ástin ein (In the name of Love), en alls eru lögin átta talsins og ríma við messuliði klassískrar messu, þar af sex með þátttöku kórsins. Messan verður kl. 15:00 í Hveragerðiskirkju. Aðgangur er ókeypis eins og tilheyrir við guðsþjónustur. Prestsþjónustuna annast séra Axel Árnason, héraðsprestur í Suðurprófastsdæmi. |
Nýjungar í kirkjustarfi Hveragerðiskirkju:
Sunnudagaskólinn verður kl.13, frá og með 30. janúar 2011.
Lögð verður áhersla á söng og spilað á einföld hjóðfæri.
Það verður föndur og stefnt að sýningu fyrir páska.
Börn á ÖLLUM aldri velkomin.
Kvöldsamkomur verða síðasta sunnudag hvers mánaðar í janúar, febrúar og mars.
Flutt verður fjölbreytt sálmatónlist með þátttöku kirkjugesta.
Kirkjukórinn getur bætt við sig söngfólki !
Vinsamlega sendu athugasemdir og ábendingar til vefstjóra